1 июнь — Халыкара балаларны яклау көнендә «ШАЯН ТВ» каналы балалар өчен «ШАЯН балачак» телемарафоны әзерли. Бу турыда каналның матбугат хезмәте хәбәр итте.
«Сезне яхшы кәеф; яңа мультфильмнар; кызыклы тапшырулар; социаль челтәрләрдә танылган артистлар белән туры эфирлар; «ШАЯН ТВ» каналынан шәп конкурслар һәм истәлеккә бүләкләр көтә. «ШАЯН ТВ» белән бергә балачак күңелле һәм файдалы узар!» диелә хәбәрдә.